अर्धापूर, नीळकंठ मदने| शहरात शारदा भवन संस्थेची पहिली ते दहावी ची शाळा अखेर सुरु होणार असून, सोमवार पासून विद्यार्थ्यांच्या नोंदी घेण्यास सुरुवात होणार आहे.
अर्धापूर तालुक्यात प्राथमिक व माध्यमिक शिक्षण उच्च दर्जाचे व्हावे अशी अनेक वर्षांपासून सुज्ञ पालकांची मनापासून ईच्छा असल्याने ही मागणी जोर धरत होती, शारदा भवन चे डाॅ.शंकरराव चव्हाण महाविद्यालय नवीन वास्तुत जोमाने सुरू आहे,पण प्राथमिक व माध्यमिक शाळेतील शिक्षणासाठी खाजगी शाळांमध्ये पालकांची आर्थिक पिळवणूक होत असून,गुणलता फारच ढासळली आहे.
केवळ देखावा करण्यात अनेक संस्था चालक पटाईत आहेत. त्यामुळे या मागणीकडे अनेकदा सबंदीतांनी होकार दिला होता,आता लवकरच पहिली ते दहावी पर्यंत ची शारदाभवन ची शाखा अर्धापूर शहरात सुरू होणार असून त्याकरिता सोमवार १२ जून पासून विद्यार्थ्यांच्या नोंदी घेण्यास सुरुवात होणार आहे,अशी माहिती संस्थेच्या वतीने कळविण्यात आली आहे.
