अर्धापूर| पार्डीहुन - बाजारासाठी अर्धापूर ला जात असतांना शंकरराव चव्हाण महाविद्यालयाच्या समोर दुचाकी व अॅटो चालकाचा समोरासमोर अपघात होऊन संभाजी कवडे वय( ५७ ) यांचा अपघातात मृत्यू झाला, यामुळे पार्डी गावात शोककळा पसरली आहे.
नांदेड-वारंगा राज्य क्र.३६१ महामार्गावरील पार्डी(म) येथील रहिवासी संभाजी तुकाराम कवडे वय (५७) हे आठवडी बाजार अर्धापूर येथे शुक्रवारी ४.२५ वा.दुचाकी क्र. एम एच २६ बी एल वरुन जात असतांना अर्धापूरकडून येणाऱ्या अटो क्र.एम एच २६ बी ई ३०१२ ने समोरुन धडक दिली. यावेळी जोरात आवाज आला
त्यामुळे लगतचे लोक घटनास्थळी दाखल झाले,वसमत महामार्ग पोलीसांनी उपचारासाठी घेऊन जात असतांना रस्त्यातच मृत्यू झाला, त्यामुळे मयत कवडे यांचे शवविच्छेदन अर्धापूर ग्रामीण रुग्णालयात करण्यात आले असून, पार्डी(म) येथे उशीरा त्यांच्या पार्थिवावर अंत्यसंस्कार करण्यात आले.या महामार्गवर अनेक जण अपघातात मृत्यू झाले आहेत.
