किनवट, माधव सुर्यवंशी। किनवट येथून आदीलाबाद कडे जाणारया रेल्वेचा रेल्वेचालकाच्या प्रसंगावधानाने मोठा अपघात टाळला, यामुळे रेल्वे चालकाचे अभिनंदन होते आहे.
नांदेड ते आदिलाबाद अशी धावणारी इंटरसिटी एक्सप्रेस गाडी किनवट येथून आदिलाबाद कडे जात असताना तेलंगणा राज्यातील कोसाई स्टेशन काही अंतरावर असताना मोठा आवाज आला. त्यामुळे चालकाने तात्काळ रेल्वे गाडी थांबवली असता असे निदर्शनास आले की, सुमारे 1 ते 2 फूट लांबीचा रेल्वे ट्रॅक तुटलेला आहे. चालकाने प्रसंगावधान राखत रेल्वे गाडी रोखल्याने मोठा अनर्थ टळला आहे. तरी रेल्वे वाहतूक कधी पर्यंत सुरळीत होईल हे अजून कळू शकले नाही. हा अपघात टाळल्याने सर्व स्तरातून रेल्वेचालकाचं अभिनंदन केले जाते आहे.
