नविन नांदेड। नांदेड प्लॉगर्स तर्फे दि. 15 मे 2022 रोजी काळेश्वर मंदिर परिसरात प्लास्टिक स्वच्छता मोहीम राबविण्यात आली. नांदेड प्लॉगर्स तर्फे मागील तीन महिन्यापासून प्लास्टिक स्वच्छता अभियान नांदेड शहरात प्रत्येक रविवारी आयोजित करण्यात येत आहे,आज नांदेड प्लॉगर्स ची ही 15 वी स्वच्छता मोहीम होती.
आजच्या स्वच्छता मोहिमेसाठी नांदेड दक्षिणचे आमदार मोहन अन्ना हंबर्डे यांची प्रमुख उपस्थिती होती. त्यांनी नांदेड प्लॉगर्स बद्दल माहिती जाणून घेतली. या नांदेड प्लॉगर्सचे संयोजक सुयश ढगे याने नांदेड प्लॉगर्स ची भूमिका मांडली. मागील स्वच्छता अभियानाची माहिती सुद्धा यावेळी देण्यात आली. यावेळी बोलताना सर्व युवक व युवतींचे अभिनंदन केले तसेच त्यांच्या कार्याचा गौरव निश्चित व्हायला हवा असे प्रतिपादन केले,तसेच नांदेड प्लॉगर्स ची दखल प्रशासकीय स्तरावर होणे गरजेचे आहे.
त्यासाठी जिल्हाधिकारी व महापालिका आयुक्त यांच्याशी चर्चा करून पुढील स्वच्छता अभियानात त्यांना सामील करून घेऊ असे आश्वासन दिले. यावेळी नांदेड प्लॉगर्स चे जवळपास 80 हून जास्त सदस्य आजच्या स्वच्छता अभियानात सहभागी झाले होते तसेच आजच्या अभियानात 400 किलो प्लास्टिक व घाटावरील कपडे ईत्यादी वस्तू जमा करण्यात आल्या.
