प्रभागातील जनतेच्या पाठिंब्यासह खासदार चिखलीकरही पाठीशी
नांदेड| आगामी मनपा निवडणुकीसाठी अनेकांनी तयारी सुरू केली असून निवडणुकीच्या आखाड्यात उतरण्यासाठी अनेक जण सज्ज झाले आहेत. त्यात शहरातील प्रभाग क्रं. 6 मधून क्षितीज जाधव यांचे नाव चर्चेत आहे. खासदार चिखलीकर यांचे खंदे समर्थक असलेल्या क्षितिज जाधव यांना जनतेचा मिळता पाठिंबा पाहता उमेदवारी तर मिळणारच आणि ते निवडूणही येतील असा विश्वास प्रभागातील नागरिक व्यक्त करीत आहेत.
नांदेड महापालिकेची निवडणूक या वर्षा अखेर होण्याची शक्यता आहे. अनेक जण विविध पक्षाकडून तयारीला लागले आहेत. उमेदवारी मिळवू आणि निवडणूकही जिंकू असा विश्वास अनेक जण व्यक्त करीत असताना भावी नगरसेवकांच्या यादीत प्रभाग क्रमांक सहा मधील क्षितिज जाधव यांनी मुसंडी मारली आहे.
भारतीय जनता पार्टी विशेष करून खासदार प्रताप पाटील चिखलीकर यांचे खंदे समर्थक असलेले क्षितिज जाधव मागील अनेक वर्षापासून सामाजिक कार्यात अग्रेसर आहेत. विविध समाज उपयोगी उपक्रम घेणारे अशी त्यांची केवळ प्रभागातच नव्हे तर जिल्ह्यात ओळख आहे. प्रभाग क्रमांक सहा मधून भाजपकडून उमेदवारी मिळण्यासाठी अनेक जण स्पर्धेत असले तरी या स्पर्धेत क्षितिज जाधव बाजी मारण्याची चिन्हे आतापासूनच दिसू लागली आहेत.
