महाविरचंद श्रीश्रीमाळ, लक्ष्मण शक्करगे यांच्यासह अनेकांची उपस्थिती
हिमायतनगर| महाशिवरात्री निमित्त वाढोणा येथील आराध्य दैवत श्री परमेश्वर मंदिरासह महाराष्ट्र आणि जिल्हाभरातील अनेक मंदिराची ऐतिहासिक माहिती असलेल्या शिवपर्व २०२२ विशेषांकाचे प्रकाशन हदगाव - हिमायतनगर तालुक्याचे विद्यमान आमदार माधवराव पाटील जवळगावकर, श्री परमेश्वर ट्रस्टचे उपाध्यक्ष महाविरचंद श्रीश्रीमाळ, जेष्ठ संचालक लक्ष्मणराव शक्करगे, नाजीमचे संचालक गणेशराव शिंदे यांच्यासह इतर मान्यवरांच्या हस्ते करण्यात आले आहे.
याप्रसंगी जुन्या- जानकार मंडळी तथा मान्यवरांनी नांदेड न्यूज लाइव्हने प्रकाशीत केलेल्या शिवपर्व २०२२ विशेषांकाचे भर-भरुन कौतुक करत नांदेड न्युज लाईव्हने मागील १० वर्षांपासून अध्यात्मिक कार्याची माहिती सर्वांपर्यंत पोहोंचविण्याचे कार्य मंदिर ट्रस्टसह, सर्वांच्या सहकार्यातून आणि पत्रकारांच्या टीमच्या सहकार्याने अविरत चालू ठेवल्याबद्दल शुभेच्छा दिल्या.
हिमायतनगर शहर व तालुक्यातील दुर्लक्षित प्राचीन मंदिरे, नांदेड जिल्ह्यातील इतिहास कालीन किल्ले, प्रेक्षणीय ठिकाणे, इतिहासकालीन संत, महात्मे, योद्धा, महाराष्ट्रातील अनेक ठिकाणच्या मंदिरांची माहितीचा संक्षिप्त मागोवा घेण्याच्या उद्देशाने भास्कर दुसे यांच्या मार्गदर्शनाखाली नांदेड न्युज लाईव्हचे संपादक अनिल मादसवार, गोविंद गोडसेलवार व त्यांच्या टीमने शिवपर्व विशेषांक प्रतिवर्षी महाशिवरात्रीचे औचित्य साधून प्रकाशित करण्यास सण २०१२ पासून सुरुवात केली आहे. तसेच यामधे पर्यावरण, स्वच्छतेची चळवळ, आरोग्य आणि राष्ट्रभक्ती, अध्यात्मिकतेची जोड देणाऱ्या कविता लेखातून प्रकाश टाकण्याचा नेहमीच प्रयत्न केला आहे.
शिवपर्व २०२२ या विशेषांकाचे महाशिवरात्रीच्या पावन पर्वावर आमदार माधवराव पाटील जवळगावकर, श्री परमेश्वर मंदिर ट्रस्टचे उपाध्यक्ष महाविरचंद श्रीश्रीमाळ यांच्यासह इतर मान्यवरांच्या हस्ते विमोचन करण्यात आले. याप्रसंगी परमेश्वर मंदिर ट्रस्टचे जेष्ठ संचालक लक्ष्मणराव शक्करगे, अनंता देवकते, माजी जी.प. सदस्य सुभाषदादा राठोड, नाजीमचे संचालक गणेशराव शिंदे, माजी तालुकाध्यक्ष जनार्धन ताडेवाड, काँग्रेसचे शहराध्यक्ष संजय माने, सोसायटीचे नवनिर्वाचित संचालक सुभाष शिंदे, शासकीय गुत्तेदार सुरेश पळशीकर, मंदिर कमिटीचे संचालक मुलचंद पिंचा, राजाराम झरेवाड, माधव पाळजकर, सौ.लताबाई पाध्ये, सौ.लताबाई मुलंगे, श्रीमती मथुराबाई भोयर, एड.दिलीप राठोड, लिपीक बाबुरावजी भोयर, राजु गाजेवार, परमेश्वर साबळकर, उदय देशपांडे, राम नरवाडे, योगेश चिलकावार, गोविंद बंडेवार, पंडित ढोणे, यांच्यासह अनेक ग्रामस्थ, नागरिक दर्शनार्थी भक्तगण मोठ्या संखेने उपस्थित होते.
कार्यक्रमाचे सुरेख सूत्रसंचालन व आभार मुख्याध्यापक गजानन सूर्यवंशी यांनी मानले. सादर कार्यक्रमासाठी जेष्ठ पत्रकार प्रकाश जैन, सोपान बोम्पीलवार, संजय मारावार, दिलीप शिंदे, ज्ञानेश्वर गोडसेलवार, अनिल नाईक, उत्कर्ष मादसवार, पंडित ढोणे, शिवाजी रामदिनवार, आदींसह युवकांनी परीश्रम घेतले. नांदेड न्यूज लाईव्हच्या टीमला सहकार्य केल्याबाबद्दल मंदिर कमेटीसह प्रत्यक्ष अप्रत्यक्ष सहकार्य करणारे सर्वांचे नांदेड न्यूज परिवाराच्या वतीने अनिल मादसवार यांनी शब्द सुमनाने स्वागत केले.
