पैनगंगा कोरडी पडल्याने सहस्रकुंड धबधबा बंद..पर्यटकांचा हिरमोड
हिमायतनगर(अनिल मादसवार)विदर्भ - मराठवाड्याच्या सीमेवरून वाहणारी पैनगंगा नदी जुलै महिन्याच्या शेवटी सुद्धा कोरडीठाक पडली आहे. परिणामी याच नदीवर अवलंबून असलेला तथा पर्यटकांना आकर्षित करणारा निसर्गनिर्मित्त सहस्रकुंड धबधबा पावसाअभावी बंद पडल्याने निसर्गसौंदर्य लोप पावल्यागत चित्र दिसत आहे. त्यामुळे या ठिकाणी येणाऱ्या पर्यटकांचा हिरमोड झाला असून, आता सुरु असलेल्या पावसाने आगामी श्रावण मासात महादेवाच्या दर्शनासाठी येणाऱ्या भाविकांना धबधब्याचे मनोहारी दृश्य पाहण्यास मिळेल काय या प्रतीक्षेत पर्यटकांच्या नजरा आहेत.
