शिवालय प्रतिष्ठानच्या अध्यक्षा संध्याताई बालाजी कल्याणकर यांचा स्तुत्य उपक्रम
नांदेड,आनंदा बोकारे। उत्तर मतदार संघाचे आ. बालाजी कल्याणकर यांच्या पत्नी तथा शिवालय प्रतिष्ठानच्या अध्यक्षा संध्याताई बालाजी कल्याणकर यांनी शिवालय अर्बन निधी लिमिटेड कडून महिला बचत गटांना व गरजू शेतकऱ्यांना बी - बियाण्याचे मोफत वाटप केले आहे.
नांदेड उत्तर मतदार संघाचे आ. बालाजी कल्याणकर नेहमीच वेगवेगळे सामाजिक उपक्रम राबवत असतात. त्याच पद्धतीने मतदारसंघात विकास कामे देखील करत आहेत. त्यांच्या पावलावर पाऊल टाकत त्यांच्या पत्नी संध्याताई बालाजी कल्याणकर या देखील शिवालय प्रतिष्ठान अंतर्गत मतदारसंघात महिला बचत गटांचे जाळे उभारत आहेत. महिलांना व्यवसाय प्रशिक्षण त्याबरोबरच व्यवसाय उपलब्ध करून देणे, विविध बॅंकांकडून कर्ज उपलब्ध करून देणे. यासह वेळ प्रसंगी आर्थीक मदत देखील करत आहेत. त्यांनी पेटीकोट शिवनकाम अंतर्गत मतदारसंघातील शेकडो महिलांना रोजगार उपलब्ध करुण दिला आहे.
त्या बरोबरच महिलांच्या प्रत्येक आडचणीत संध्याताई कल्याणकर सहकार्य करत असतात. त्याच पार्श्वभूमीवर सध्या शेतकऱ्यांची पेरणीची लगबग सुरू झाली आहे. अनेक शेतकरी विविध ठिकाणाहून बी-बियाणे खरेदी करत आहेत. त्यात अनेक शेतकरी आर्थिक अडचणीत सापडले आहेत. हीच बाब लक्षात घेऊन शिवालय प्रतिष्ठानच्या अध्यक्षा संध्याताई बालाजी कल्याणकर यांनी शिवालय अर्बन निधी लिमिटेड, नांदेड कडून महिला बचत गटांना व गरजू शेतकऱ्यांना बी – बियाण्याचे मोफत वाटप केले आहे. यामध्ये सोयाबीन, कापूस, उडीद, मूग, तूर यास इत्यादी महत्त्वाचे नामांकित कंपनीचे बियाणे त्यांनी वाटप केले आहे. यामुळे संध्याताई कल्याणकर यांचे शेतकऱ्यांकडून कौतुक होत आहे.
संध्याताई कल्याणकर यांच्या कार्याचे संपर्कप्रमुख आनंद जाधव यांनी केले कौतुक
आ. बालाजी कल्याणकर यांच्या पत्नी तथा शिवालय प्रतिष्ठानच्या अध्यक्षा संध्याताई कल्याणकर या आपले पती आ. बालाजी कल्याणकर यांच्या पावलावर पाऊल टाकत सामाजिक कार्यात अग्रेसर राहत आहेत. त्यांनी महिला बचत गटांच्या माध्यमातून महिलांचे जाळे विणले आहे. महिलांना लागेल तिथे मदत देखील त्या करत आहेत. त्यामुळे त्यांच्या हाकेला महिलादेखील धावून येत आहेत. त्यांनी उपजिल्हा रुग्णालय भूमिपूजन सोहळा त्याबरोबरच आ. बालाजी कल्याणकर यांच्या वाढदिवसा निमित्ताने आयोजीत केलेल्या कीर्तन सोहळ्यास महिलांची लक्षणीय उपस्थिती होती. आ. बालाजी कल्याणकर यांच्या वाढदिवस अभिष्टचिंतन कार्यक्रमात बोलताना संपर्कप्रमुख आनंद जाधव यांनी देखील संध्याताई कल्याणकर यांचे तोंड भरून कौतुक केले होते.
