नांदेड| शेतकऱ्यांसाठी खरीप हंगाम पूर्व तयारी कार्यशाळेचे आयोजन सोमवार 2 मे रोजी सकाळी 8 वाजता कासारखेडा येथे करण्यात आले आहे. या कार्यशाळेचा शेतकऱ्यांनी लाभ घ्यावा, असे आवाहन जिल्हा अधिक्षक कृषि अधिकारी रविशंकर चलवदे यांनी केले आहे.
या कार्यक्रमास आमदार बालाजी कल्याणकर, जिल्हाधिकारी डॉ. विपिन इटनकर, जिल्हा परिषदेच्या मुख्य कार्यकारी अधिकारी श्रीमती वर्षा ठाकूर यांची प्रमूख उपस्थिती राहणार आहे. जिल्हा कृषी विकास अधिकारी डॉ. तानाजी चिमनशेट्टे, कापूस संशोधन केंद्राचे शास्त्रज्ञ डॉ. अरविंद पांडागळे, कृषी विज्ञान केंद्र पोखर्णीचे शास्त्रज्ञ डॉ. मारोती कल्याणकर यांचे विशेष मार्गदर्शन लाभणार आहे.
या कार्यशाळेत बिज प्रक्रीया, घरघुती पध्दतीने बियाणे उगवण क्षमता तपासणी, मिश्र खते तयार करा घरच्या घरी, जमीन आरोग्य पत्रिकेनुसार खताचा वापर या विषयावर मार्गदर्शन करण्यात येणार आहे. या कार्यक्रमाचे फेसबुक लाईव्हद्वारे प्रसारण करण्यात येणार आहे. हे प्रसारण जिल्हा माहिती कार्यालयाचे फेसबुक पेज https://www.facebook.com/dionanded/ आणि जिल्हाधिकारी डॉ. विपीन इटनकर यांचे फेसबुक पेज https://www.facebook.com/Dr.VipinItankarIAS/ यावर होईल.
