लग्नाचे आमिष दाखवून अत्याचार करणार्‍यावर गुन्हा दाखल

संशयित आरोपीला सिंदखेड पोलिसांनी केली अटक

माहूर| मदनापुर येथून जवळच असलेल्या पडसा येथे मागील काही दिवसापासून लग्नाचे खोटे आमिष देऊन जबरी संभोग करणार्‍या तरुणावर पीडित मुलीच्या फिर्यादीवरून अत्याचाराचा गुन्हा नोंद करण्यात आला असून, संशयित आरोपीला पोलिसांनी अटक केली आहे.

सिंदखेड पोलीस ठाणे हद्दीतील पडसा येथील आरोपी इम्रान नवाब शेख वय (२६) वर्ष हा मागील अनेक दिवसांपासून येथीलच एका २२ वर्षीय मुलीला लग्नाचे खोटे आमिष देऊन सातत्याने जबरदस्तीने अत्याचार करत होता. मुलीने लग्न संदर्भात वारंवार मागणी केली असता खोटे आमिष व बनावट गोष्टी करून वेळ मारून नेत होता. मुलीच्या इच्छेविरुद्ध अमानुषपणे अत्याचार करण्याचा प्रकार नित्याचीच बाब बनली होती. नेहमीच्या या अत्याचाराला कंटाळून व सदर आरोपी लग्न करण्याच्या मानसिकतेत नसल्याची बाब लक्षात आल्यानंतर पीडित मुलीने सिंदखेड पोलीस ठाण्यात दि.25 रोजी रितसर फिर्याद देऊन आरोपीविरुद्ध गुन्हा दाखल करण्याची मागणी केली. यावरून सिंदखेड पोलीस ठाण्यात जबरदस्तीने अटायचार करणे व भारतीय दंड विधानाच्या इतर कलमांन्वये गुन्हा नोंद करण्यात आली असून, आरोपी इम्रान यास सिंदखेड पोलिसांनी अटक केली आहे. या प्रकरणामुळे कायदा व सुव्यवस्थेबाबत कोणताच प्रश्न निर्माण नसल्याची माहिती पोलिस ठाण्याचे सहायक पोलिस निरीक्षक व या प्रकरणाचे तपास अधिकारी मल्हार शिवरकर यांनी दिली आहे.

....अजय कोगूरवार, माहूर, जी.नांदेड.