अर्धापुर, निळकंठ मदने| तालुक्यातील निमगाव येथे आदिवासी कोळी महादेव समाजाचा २४ वा सामूहिक विवाह सोहळा आज २४ एप्रिल रोजी दुपारी १२:३१ वाजता संपन्न होणार आहे. या सामूहिक विवाह सोहळ्यात ११ जोडपी विवाह बंधनात बांधले जाणार आहेत.
पुर्वीच्या हदगाव व आताच्या अर्धापुर तालुक्यातील निमगाव येथे २४ व्या आदिवासी कोळी महादेव समाजाच्या सामूहिक विवाह मेळाव्याचे आयोजन करण्यात आले आहे,२४ एप्रिल रोज रविवारी दुपारी १२:३१ ला होणाऱ्या सामुहिक विवाह सोहळ्यात एकूण ११ जोडपी विवाह बंधनात बांधले जाणार आहेत,२३ वर्षाची परंपरा कायम ठेवून याही वर्षी मोठया उत्साहात हा सामूहिक विवाह सोहळा वेळेवर आज संपन्न होणार आहे.
या विवाह सोहळ्यास गेल्या एका महिन्यापासून समाज बांधव व ग्रामस्थ भाग घेऊन मेळावा यशस्वी करण्यासाठी प्रयत्न करीत आहेत, तेव्हा सामूहिक विवाह मेळाव्यास उपस्थित राहावे असे आवाहन आदिवासी कोळी महादेव समाज व ग्रामस्थांनी केले आहे.
